МӘКТӘП ТАРИХЫННАН КЫСКАЧА МӘГЪҮМАТЛАР
1883 нче елның 31 октябрендә Тойгелде авылында беренче мәктәп ачыла. 1882 нче елда Оренбург татар укытучылары мәктәбен тәмамлаган Абдулханнанов укытырга килә. 1895 елдан мәктәп урыс-башкорт училищесы дип атала башлый. Анда 20 малай белем алган. Ике укытучы исәпләнә: Казан мәдрәсәсен тәмамлаган дин укытучысы һәм Казан татар укытучылары мәктәбендә белем алган Байтирәков.Уку дүртьеллыкка әверелә.
Революция һәм гражданнар сугышыннын соң 1920 елда Тойгелдедә кабаттан башлангыч мәктәп ачыла, укытучы булып Гафуров Харис эшли
1927-1928 елларда Мәллә елгасы буендагы таш мәктәпкә 1 сыйныф укучылары кабул ителә. Мәктәп бинасының нигезен Мәллә елгасы суы ашаганлыктан, соңрак мәктәп җимерелә. Әлеге мәктәптә беренчеләрне Ибраһимова Маһира, икенче-өченчеләрне Гафуров Харис укыткан.
Таш мәктәп җимерелгәч, V сыйныф укучылары мәчет бинасында укыганнар. Укытучылары Ситдийков Салих була. 1929 елда яңа мәктәп салына.
1930-31 нче уку елларында гомуми мәҗбүри башлангыч белем бирү кертелә.
1934-35 нче уку елында мәҗбүри җидееллык белем бирү турында закон чыга, шул ук елда беренче җидееллык чыгарылыш була.
1943 елның июнь аенда кичке мәктәп эшли башлый. Көндезен бөтен халык хезмәт фронтына чыга, кичләрен белем ала.
1961-1982 елларда мәктәп сигезьеллык буларак эшли башлый.
1969-1970 елларда яңа мәктәп бинасы төзелә. Бүген ул бинада коррекцион мәктәп урнашкан.
1982 елда яңа таш бина сафка тапшырыла.
1982-1983 уку елында мәктәп уньеллык итеп үзгәртелә.
